黎明掟300萬剪走JM金Bra

黎明再次執導以3D技術拍攝新歌《遲D見》MV，昨日更攜JM出席MV首影禮，而MV中將兩名愛將JM和衞蘭以電腦合成效果，齊齊「脫離現實」變身F Cup的Big爆身材，畫面中的JM姿態惹火誘人，向身前Leon駛出一招解帶飛Bra，而Leon以鉸剪將Bra一分為二，JM繼續出招拋三角褲，Leon即噴火燒掉。JM又大跳鋼管舞，做出Fing胸及自打Pat Pat動作，雖然全是電腦合成，卻令人難得一見JM性感噴血一面。

至於同樣變成F Cup身段的衞蘭，更是「人面蛇身」，在電腦人工化下，將「圓面」的衞蘭都變了「尖尖面」，與變成機器人的雷頌德大戰一場。

JM靜雞雞除Bra帶。

「人面蛇身」的衞蘭上圍同樣「電腦化」。

全部自己構思

三分鐘的3D MV製作費超過300萬，Leon表示由上年6月開始籌備，花了9個月完成。講到JM身材惹火，飛Bra拋三角褲？Leon承認全是自己「主意」，他謂：「尺度係性感健康，唔會令人有猥瑣或惡心感覺。（見JM有Fing胸動作？）拍攝前有同JM講，雖然佢得個頭，都要有節奏配合，但打屁股佢就唔知。」問到JM對自己F Cup身材如何？JM笑言：「幾有突破，反正個身都唔係自己，最緊要係靚啫。」

雷頌德化身機器人，十分有趣。	JM對自己的F Cup身材大感滿意：「反正個身都唔係我嘅。」	Leon的3D MV花費300萬港元。

唔會隱瞞喜事

另外有傳太太樂基兒有喜？Leon則以堅定口脗答：「一定冇，係個冇價值嘅傳聞，如係真，我係唔會瞞大家。」他更言陳凱歌太太聽到傳聞向他求證，他亦答「唔係真」，更有朋友說要為他介紹醫生。而提到衞詩，Leon稱已終止合約：「佢回復自由身，我哋亦冇呢個能力Handle佢，佢都咁大個人，有佢自己想法。」

文：音樂組