Donald張詠恩滑水結緣五月擺酒

DJ Donald跟前組合Krusty成員張詠恩（張致恒家姐）終於結婚了，昨日Donald在微博和電台節目中宣布喜訊，他接受本報訪問開心說：「多謝大家恭喜，我哋會喺5月14日結婚，14同15日喺淺水灣酒店擺酒。」
Donald與張詠恩下月拉埋天窗。
Donald與張詠恩下月拉埋天窗。

Donald能娶得老婆歸多謝上天安排：「呢個係緣分，嗰時同Boy'z去滑水，我叫Steven（張致恒）帶埋家姐出嚟，即刻目及中咗佢。」問蜜月地點？Donald說：「冇時間，第二日返工呀。（咁趕奉子成婚？）唔係，起碼一、兩年至生BB。」好友古巨基、周麗淇、鄭裕玲、孫耀威紛紛在微博留言恭喜，而Donald拍檔少爺占謂會幫一對新人設計送賓客的小禮物，祝他們早生貴子。