林保怡食鹹魚撐TVB
林保怡昨日到電視城錄影節目《新派煮意》一展廚藝，他與TVB將於下月約滿，問到會否續約？他表示日前才與無綫高層樂易玲及梁家樹食飯：「氣氛好好，樂小姐好有誠意，梁家樹又搵我拍劇集《樂府藏龍》同《健康奇案錄》第二輯，但我仲考慮緊。」問到會否要求加人工？他表示錢並非重點，而是想有權睇劇本後才決定是否接拍：「演員最緊要係好角色，人工加得幾多吖！其實內地都有人搵緊我，所以想留番啲空間諗諗。」
對於陳鍵鋒及陶大宇均嫌TVB人工低，保怡則力撐TVB：「咁多怨氣？我就好好運，演員唔應該睇錢太重！（馬德鐘太太話拍劇太辛苦！）食得鹹魚抵得渴，接得就明知辛苦o架啦！」