周麗淇谷胸晒線唔多慣

周麗淇（Niki）昨日與o靚模陳嘉寶及何思諺出席「b+ab迪士尼飛躍系列」活動，Niki罕有谷胸上陣，騷出微微事業線，十分養眼，她坦承不習慣性感打扮：「好谷同好緊呀！（有冇托胸先？）太緊，冇得托！（缽仔糕呢？）都加唔到，同出面啲人就冇得比啦！」

Niki表示近兩個月忙於拍民初劇，每日瞓得四、五個鐘：「做得主角就預咗呢個模式，已有心理準備，不過套劇應該復活節前拍完。（無綫有冇同你計到盡？）樂小姐（樂易玲）好好，知我合約情況，係親自同我傾。」與范姜分屬好友的Niki坦言有與對方聯絡，覺得她心情OK。