林莉拍拖斷正死口唔認
昨日本報獨家報道模特兒林莉與公司老闆之一的Bolie歎韓燒兼餵食，雖然證據確鑿，但林莉竟與滕麗名一樣為護情苗死口唔認，辯稱Bolie跌了筷子，才會餵對方。
林莉昨日穿露肩裙現身中環IFC，她回應當日是公司員工和家屬的BBQ同樂日，之後拉隊再歎韓燒：「當晚影到嘅唔係姨媽姑姐，你估擺酒咩？（餵Bolie食嘢喎！）哈哈！識佢嘅人都知佢好論盡，當時佢跌咗筷子落地，啱啱燒咗舊嘢佢食，所以順勢塞畀佢食，我個個都有餵，大家一間公司好似一家人咁熟。（拖手呢？）當時個位窄，佢要起身出去時扶佢之嘛。」
問到是否拍拖？林莉說：「大家認為係，我就算講話乜都冇用。」而Bolie接受電話訪問則自稱是生意人，不想有花邊新聞。他謂：「當時要出去食煙佢扶我，唔係拖手，佢對任何人都好親切。」
