滕麗名嗒中佬任住任揸

滕麗名自07年宣布與拍拖九年的魏駿傑分手後，不久與失婚的郭政鴻拍劇撻着，豈料男方被踢爆與一名內地女子同居產女，矇查查做了第三者的阿滕在去年決定與郭政鴻斬纜。由於先後跟兩名圈中男藝員拍拖均受盡傷害，最近阿滕終於再墮愛河，對象是一名年近40歲的圈外人，並向身邊人透露希望今次可以開花結果。

炮製愛心晚餐

據知，阿滕回復單身後，曾有無綫男藝員向她追求，但見過鬼怕黑的她，結果選擇與大過自己逾十年的圈外人拍拖，初時身邊好友獲悉大感驚訝，不過明白阿滕之前慘受情困，歸於平淡也無可厚非。鑑於另一半是圈外人，阿滕對此戀情十分保護，平日多數留家打發時間。

早前他們難得拍拖，到尖沙咀某高級超市購買牛扒與鵝肝，準備回家炮製愛心晚餐撐枱腳時，被本報記者撞個正着，當時甜蜜翹實男友臂彎的阿滕一臉愕然將手放下，火速拉男友離開。

自稱「宅女」的阿滕，沒有男友在身邊的確甚少外出，除了平日上街買餸煮飯一腳踢。即使拍拖只得數月，兩人已儼如老夫老妻，阿滕連自己名下的座駕與西貢村屋亦不介意兩份用。前陣子阿滕返內地工作，其男友約下午二時許駕駛女友的平治房車返回愛巢，熟練地泊好車，行了數十級樓梯來到阿滕門前，然後從袋中掏出鎖匙進入屋內，逗留至深夜未見離開。男方可以自出自入，足證感情一日千里，向來搵錢能力不俗的阿滕，在財政方面顯得相當大方。

雖然男友拎到一袋二袋，阿滕亦忍唔住翹實男友撒嬌，直至被撞破好事，才火速離開。	中佬新歡對阿滕非常體貼，全程負責推車仔，買乜由阿滕發板，最後二人買了牛扒、鵝肝做晚餐。	自稱「宅女」的阿滕，平日甚少外出，上星期發現她駕車到將軍澳，原來只為到超市買餸煮飯，更心急將車停在巴士站禁區。至於返內地工作時，平治座駕則由中佬新歡任用。
放大圖片	阿滕當日買到大包細包，堅持自己撐幾十級返家。數日後，中佬新歡獨自返家，並掏出鎖匙開門。	放大圖片

擔心嚇走機會

記者昨日致電阿滕恭喜覓得好歸宿，她甜笑道：「唔好嚇親佢，我哋圈中人好難識圈外正常人（指單身），咁嚇走就好難有發展機會。」提到對方已有其家中鎖匙，座駕又兩份用，為保愛苗的阿滕連忙解畫：「咁啱我返內地做嘢，架車壞咗，佢幫我攞架車去整，冇理由將車匙放喺信箱，所以咪畀埋條屋企鎖匙佢。」她還笑着補充：「我好多朋友都有我屋企鎖匙。」理由聽落有點牽強。問到如何稱呼「新好朋友」？她又甜蜜蜜說：「朋友甲啦！佢唔係咩富二代，普通香港人啫。」

採：影視組　

攝：追蹤組