陳豪牛一冧約陳茵媺 廖碧兒生仔宣言贈興

盛傳與陳茵媺發展新戀情的陳豪，將於本月16日生日，陳豪昨日與黃婉曼於銅鑼灣鬧巿出席公開活動，期間被問到生日會否約陳茵媺共度，即哈哈笑冧爆地說：「未約，嗰日要開工，都慣咗生日同節日工作中度過。」

望感情有發展

陳豪直言當日可能出埠為無綫拍旅遊節目，至於會否可惜未能和陳茵媺過拍拖後第一個生日，他繼續哈哈笑，尷尬地說：「冇啦！冇啦！新嘅一年新嘅開始，（有咩生日願望？）希望所有嘢都更加好，自己拍劇之外都可以拍吓電影，咖啡店又順順利利。」

至於咖啡店開張會否邀陳茵媺剪綵，陳豪說：「我會將你哋呢個意見傳達，（順便公開戀情？）哈哈哈，我一向都低調，感情係生命嘅一部分，但暫時都係以事業為先，感情方面都希望有所發展。（係咪同陳茵媺發展？）哈哈哈，冇嘢講！」

廖碧兒借家姐生日發表身痕言論。

陳豪即將過生日，未知會否和新歡陳茵媺共度。(資料圖片)

大方力撐舊愛

陳豪冧爆講新歡，另一邊廖碧兒亦借家姐誕下愛兒發表宣言，她說：「我真係好羨慕，依家覺得家庭好重要，搞到我都好身痕想生B。」問到會否加快結婚生子步伐，她說：「我真係好想，不過之前做咗個大手術，要調理好身體先。」至於陳豪因咖啡店推劇，廖碧兒亦大方力撐。

文：影視組