龐維仁女友曝光翹實龐爸爸

龐維仁自與黃美儀離婚後，一直不愁寂寞，曾先後與大美人李嘉欣及鐘錶界美女胡敏珊拍拖，感情生活多姿多采。他與胡敏珊分手後，又盛傳他有一位韓國女友，對方任職空姐，且更於去年底為他誕下一名寶寶，而當時他的前妻黃美儀被問到他榮升做父親一事，就直認已恭喜了他，還戥他感到高興。

昨日，龐維仁與父母及哥哥龐維新一起出席保良局活動，除了他們一家四口，還有一名身形圓潤的女子陪伴在龐維仁身邊，她與龐維仁的父母和哥哥談笑風生，表現得十分融洽。影大合照時，她就站在龐維仁以及龐爸爸中間，還翹着龐爸爸，儼如一家人。

龐維仁（右）及女友（左）與龐維新一齊出席活動。

四太表示不會禁止女兒超欣上網。

私人嘢想低調

記者之後致電龐維仁問他該女子是否他的女朋友，心情不錯的他帶笑表示：「我唔想答，呢啲私人嘢，其實呢，我想低調啲，不過你哋影到相要登都冇辦法，我唔會答，你哋鍾意點寫都得。（寫佢係你女朋友？）總之我唔會答，你哋鍾意啦！（咁你依家有冇拍拖？）我都唔會答，就係咁啦！」

四太唔玩微博

同場的四太梁安琪對於女兒何超欣被冒名開微博一事，她說：「唔清楚，你問佢，我唔玩呢啲嘢，我好保守，追唔上潮流。（叫佢少啲上網？）唔會，小朋友好流行，最緊要以學業為重。（佢多唔多上網？）有時都有。」

文：名人組