諸葛珍惜機會婚後拒減產
準新娘諸葛梓岐（Marie）婚期要延遲，她坦言原來籌備婚事不是想像中簡單：「賓客都過千人，而且好多場要一年前book！」笑問她何不在Neway太子爺男友薛嘉麟旗下卡拉OK擺酒？她打趣地說：「我贊成，每圍人都有獨立房，不知幾開心！」Marie表示婚事全交男友安排，還大讚男友事事遷就她，甜絲絲地說：「我哋日日都咁甜蜜開心！」至於過大禮事宜，她坦言對中國傳統習俗毫無概念，故交由父母處理。
及後Marie透露因災難而暫停日本所有工作而改為發展內地與台灣市場，不過男友則希望她婚後減產：「佢明白我工作，但覺得我身體唔好，我從小畀家人縱，真係唔捱得。依家大陸同台灣都有人搵我拍戲，我珍惜每個機會，但唔想忽略男友。」問到會否被催生BB？她說：「唔會，過兩、三年二人世界先，佢哋最緊要我哋開心！」
至於求婚經過？她表示男友跪地送花都做齊：「白馬王子要做啲嘢都做晒，我哋愛情已昇華到一個位置，係時候結婚！」
服裝：7 For All Mankind