蔡一傑前晚錄影《華麗明星賽》，對於有傳他「騷擾」圈中藝人，傑仔不明為何被拖落水：「佢哋為咗賣紙係咁，惟有硬食，我連佢話嗰個人係咪存在都唔知，因為唔知佢寫咩，係咪冇料搵嚟寫。（盛傳有藝人借講健身話題摸手摸腳！）拍嘢係眾目睽睽，用個腦分析都知唔得啦！你估啲人係新仔咩，點可能用呢啲話題就可以咁先！」
同場出現的鄭希怡（Yumiko）早前把友人的BB孭起當手袋，還把相片上載微博，惹來虐兒之嫌，Yumiko解釋當日與BB玩得開心，BB喜歡被人轉來轉去，不明何以拍下的表情像很慘。
