超蓮拒爆超雲戀情
賭王千金何超蓮前晚陪同母親三太陳婉珍出席東華聯歡晚宴，超蓮表示趁復活節假回港，將逗留數星期，提到胞姊何超雲與陳山聰的緋聞，超蓮一問三不知，她笑說：「唔知。（超雲忙住拍拖？）唔知。（佢同山聰喺澳門？）唔知。（有冇問超雲戀情？）唔會公開講。（媽咪對山聰點睇？）你哋問佢啦！」談到自己感情，超蓮同樣口密：「冇回應，唔講喇！唔好意思。」
現場見三太走路時有點一拐一拐，超蓮解釋母親一個月前在家中弄傷腳：「佢腳趾公骨裂，要着平底鞋，不過唔使睇跌打同打石膏。」
此外，陳山聰昨日返到將軍澳電視城開工，腸胃炎未愈的他眼腫腫兼一面憔悴，問到他是否以熊公仔向超雲求婚？他說：「冇呀，Sorry，冇嘢回應，近來有太多新聞，唔回應喇！」