張乾文:唔一定要陳豪演

陳豪原定接拍張乾文監製的新劇《樂府藏龍》,沒料臨門一腳以私人理由甩底,劇組頓時陣腳大亂,據知,劇組打算找敖嘉年頂上,但又擔心初擔大旗的敖嘉年難以勝任,故此立即改動劇本,將戲份轉至另一男主角歐陽震華身上。張乾文昨日接受電話訪問時,直認陳豪已當面向他辭演,言談間似有微言。

張乾文稱去年11月已向陳豪度期,預計5月正式開拍,不料陳豪上月初突請辭,還當面表示「要睇舖」,張乾文直言當時大感愕然,問他可接受對方的理由?張乾文謂:「我唔去評論,總之邊個接受到呢個理由就要負責任,因為佢同任何人都係用呢個理由去講,其他人聽到覺得唔合理,既然佢講得出,公司又冇表示,我仲有咩好講,無綫係制度化公司,唔一定要陳豪演先得。」

正為重新選角煩惱的張乾文,直認敖嘉年是考慮之列。此外,陳豪的戲服是度身訂造,就連同劇的歐陽震華、胡杏兒與鍾嘉欣等已造好戲服,如今連戲服也要重新安排,難怪他被弄得一頭煙,但張乾文重申:「係有麻煩,不過無綫唔係冇咗邊個唔得嘅。」

想跟阿叻一同切磋賽馬心得,立即登記參加「靈活至叻爭霸戰」啦!