周啟邦夫人千言萬語祭亡夫
去年2月逝世的名人周啟邦，其遺體一直安放在東華義莊，直至上月22日由風水師擇日安葬於香港仔華人永遠墳場的家族墓地「周永德堂墓地」。清明節前夕，遺孀周譚月清（Brenda）在家傭陪同下，帶同亡夫生前愛吃的燒肉，以及鮮花和衣服、鞋子等紙紮祭品致祭。Brenda到場不停打點，時而哀傷的看着墓碑唸唸有辭，彷彿有千言萬語向亡夫傾訴。
Brenda承認過去十三個月來對亡夫仍思念不已：「有時發夢會見到佢好似以前咁，同我一齊着靚衫去party，今日我嘅心情都係好難過，唔知佢喺另一個世界係點，每朝起身都諗起佢。」迄今她仍沒有跟兒子周國豐同住：「我又唔識湊孫，慣咗自己同老公兩個人，但佢哋三個好好，每星期都返嚟兩次同我食飯傾偈。」
