汪明荃：畀番啲面我
汪明荃昨日接受查小欣節目電話訪問，剛跟鄭少秋、喜多郎完成演唱會的她，對於歌迷座位分配不均勻仍餘怒未消：「最好嗰三區全部都係秋官fans，我啲fans就坐二樓！太唔公道，大家都有fans，畀番啲面我！」
老娘有火的阿姐點名狂插主辦的丘亞葵，坦言嬲到慶功都唔想去：「佢到依家都冇同我講唔好意思，自己做咗40幾年，依家又學識樣嘢，唔能夠鬆懈，想客氣啲都唔得，對我嚟講最重要係尊重！」丘亞葵指阿姐訂了1,100張飛，有七成都坐前排：「如果第五行都差就冇嘢講，自己100%問心無愧，會同阿姐解釋。」