吳雨霏周柏豪情侶帽洩蜜
剛傳緋聞的周柏豪、吳雨霏，昨日是緋聞傳出後首度在公開場合碰頭，二人戴上黑色情侶帽襯到絕大方合照，更夾定口供表示是好朋友關係。
柏豪跟賭王三房千金何超雲的緋聞傳了多時，隨着超雲與無綫藝員陳山聰的戀情浮面，柏豪更傳跟超雲反面，兩人劃清界線，至於吳雨霏（Kary）早前開演唱會時宣布與網球王子男友分手，而柏豪與Kary在今年情人節即被人踢爆密會，兩人被撞破後迅即避忌彈開，昨日是兩人傳緋聞後第一次公開同場現身，二人戴上款式差不多的情侶帽，甫見面即大方打招呼，埋身交談，毫不避忌大方合照。
相識十年有默契
問到二人情侶帽上陣，柏豪笑說：「我嚟緊途中先知佢（Kary）嚟，都係咁啱（撞帽）啫，（會唔會同佢發展？）我哋識咗十年，好多嘢都有默契，要發展早就發展咗啦！（平時會同佢做啲咩呀？）都只係普通社交、食飯，一group人玩。」
情人節朋友聚會
吳雨霏則否認二人情人節約會：「我唔係好注重情人節，我哋未做歌手時已經識，嗰日只係去共同朋友屋企，冇咩特別，（邊個約邊個？）去食飯冇話邊個約邊個。」但問到兩人可有發展機會？她有保留說：「keep住繼續做朋友好啲。」
文：音樂組