陳奕迅四萬咁口買黑超
近期中港兩邊飛的陳奕迅（Eason）難得回港，日前忙裏偷閒到中環血拼，並先後逛了多間名店。當日下午，一身黑色打扮的Eason，在男助手陪同下現身該處一間時裝店，甫進店內，店員即上前熱情招呼及推介新到貨品，而Eason亦報上親切笑容。Eason在店內逛了一個圈後，並埋首揀選新款太陽眼鏡，期間頻頻向店員及助手問意見，有說有笑，甚至埋鏡左照右照，不一會已購下心頭好。其後Eason由店員帶領下，再轉戰另一潮店繼續搜羅靚衫靚鞋。
相隔數天，Eason再出動到中環一個會所與朋友敍舊兼晚膳，至凌晨12時半，戴住口罩的Eason才盡興離開，他跟友人揮手道別後便乘保母車走人。