宣萱贊成改寫慘劇

宣萱與鄧健泓昨日在碼頭拍新劇《飛虎》一場追賊戲,混亂間對方連人帶車衝落海,為求安全起見,劇組以假人代替,該劇原定有場旅遊車挾持人質戲份,但為免令人聯想到去年的菲律賓人質慘劇,最終將該場戲刪掉,宣萱說:「件事始終係悲劇,依家改用船嚟挾持,對觀眾嚟講會較為舒服,我都覺得冇好過有,可能一、兩年後啲人淡忘咗先啦,作為演員壓力都減少好多。」

鄧健泓亦坦言尊重所有決定,更指當日拍攝該場戲時也大感心寒,因事發時的畫面仍記憶猶新:「依家轉咗個場景,相信大家會舒服啲。」談到陳國強等人正式宣布入主無綫,他笑言除了想加人工,還希望買手機可享有三折:「因為iPhone要追款追唔切,所以如果老闆有多折頭,係咪好開心先。」