陳茵媺讚陳豪咖啡好飲

陳茵媺(Aimee)昨生日都不忘搵錢,與Alice B.一同出席一鐘錶活動。與「筍盤王」陳豪傳緋聞的她於活動上都被同場的Alice B.乘機取笑。問到如何慶祝時,Aimee透露要於工作中度過:「應該會有個pizza party。(有冇請陳豪?)冇呀!(佢send訊息畀你?)有,佢祝我生日快樂。」

Aimee表示對方未有送贈禮物及相約慶祝,坦言只是好朋友,不過她對陳豪的評語都不差,她說:「佢係一個好男人,gentleman。(有冇飲咖啡?)成日都飲。佢會介紹我哋之前《心戰》一班工作人員一啲靚咖啡,仲會整畀大家飲,大家都讚好飲。(有冇發展?)都係工作行先啦,都唔知點答。(你哋係咪拍拖呀?)未拍,依家會集中工作。(介唔介意一齊做嘢?)都唔介意,同任何同事工作都開心。」

而對於TVB正式易手,Aimee表示對自己未有太大影響,並說:「希望會有更多唔同嘅新嘗試,可以演出多啲有挑戰性嘅角色。」