林超賢軍訓韌帶撕裂
林超賢剛從約旦返港，此行為英皇新片《逆戰》率一眾演員往接受軍事訓練，想不到在特訓期間，因要避開煞掣不及的車輛，恐對方溜後傷及自己，他卻一時不慎扭傷腿部，劇痛不已。由於有軍醫跟場，他即時接受治療包紮，終於捱到日前返港往照Ｘ光，結果發現韌帶撕裂，刻下要排期接受手術根治。
他昨日接受電話訪問謂：「扭親嗰剎都知大鑊，但冇諗過咁嚴重，由於過幾日我要去馬來西亞開會同睇景，相信最快都要等六月左右先可以做手術。依家每日都戴住個箍，行路盡量慢啲，希望情形唔好惡化落去。」據悉身為動作指導的錢嘉樂早前亦入院接受同一手術，以根治其多年舊患，他更勇字當頭，一次過讓兩腿開刀。