張栢芝傷心流淚預咗被插

栢芝昨日接受有線訪問，強調日前的交通意外正由警方調查中，不能透露事件始末詳情，意外中她有否受傷？栢芝禁不住流淚說：「有，我個心受傷！」對於有可能被指博同情，甚至似已被外間判有罪，她說：「今次行出嚟，無論好與唔好我都冇所謂，可以用兩個字交代，就係『預咗』，我唔介意人哋點睇，最緊要係我知自己做緊乜。站喺宗教角度，耶穌都被千千萬萬嘅人唾棄，被釘十字架啦，我淨係希望伯伯冇事。」

望留空間給伯伯

栢芝猶記得當年在慈善活動上發生車禍，要在醫院臥床休養，故今次可謂感同身受：「當年我係新人，都擔心醫藥費同影響收入。伯伯同佢嘅家人唔使擔心，我希望佢喺最舒服、最冇壓力嘅環境下接受治療，相信咁樣對佢嘅病情有幫助。」對近日她面對不少負面報道，甚至牽涉其經理人，她說：「部分傳媒如果為博銷量去追訪我冇辦法，但希望可以留一個私人空間畀伯伯接受治療。（會去探病？）呢啲要through好多途徑，要聯絡警方……我始終係公眾人物，都驚出現會引起混亂。」

文：影視組