黃翠如飲巫師茶險送命

主播黃翠如早前花60日時間,遊盡20個國家,最難忘在亞馬遜親身體驗飲巫師茶,狂嘔兼出現幻覺,之後又因中暑不支暈倒,猶如經歷死亡邊緣。

黃翠如早前為拍攝全新節目《地平線上 這個世界那些人》,用了60天,踏足20個國家,足迹遍布西伯利亞、羅馬尼亞、俄羅斯、古巴、秘魯、巴西、智利等地,回到香港時足足瘦了一圈。

狂嘔兼有幻覺

黃翠如坦言今次旅遊經歷畢生難忘,尤其是親訪亞馬遜族裔,在巫師邀請下大膽飲下名為「死亡之蛇」的草藥,當地人認為草藥可以清潔身體,但同時亦令人接近死亡,可預見未來,她說:「一飲完嘔咗四個鐘,真係有幻覺,見到自己個身變咗樹皮,又見到白馬同蝴蝶,之後就胃痛咗幾日,身體仲愈來愈差。」

她坦言後悔自己飲了巫師茶,因都是不知名的草藥,隨後更在旅途中抽筋兼中暑不支暈倒,她說:「其實巫師都好好人,見我暈咗都幫手照顧我,不過自己今次都太大膽。」

聞地震好想家

旅途中得悉日本發生大地震,當時正在西伯利亞火車上的她,身上沒有開任何通訊工具,她說:「因為驚無電,大家都冇開電話同電腦,當我知道地震已經係幾日之後,當時真係好驚,好擔心屋企人,雖然日本同香港唔係近,但唔知點解情緒即刻失控,要打返香港搵區永權輔導心理。」她直言今次災難對她心理上影響很大,第一時間想回家,完全感受到地球上家人永遠是最重要。

文:影視組