林莉高人一等師兄弟猛追
人氣網站ontv猛料如雲，娛樂新聞非常豐富，獨家猛料又堅又爆，加上有不少名人紅星專訪，難怪點擊率屢創新高﹗有「港版林志玲」之稱的模特兒林莉，日前接受《娛樂on Show》專訪，與主持周吉佩言談甚歡。
自覺唔似林志玲
擁有44吋長腿的林莉，自小已是「高人一等」，讀書時排隊例必排到最後，而且其高度亦引人注目，她笑稱：「女仔容易早熟，讀書嗰陣已有166厘米高，而我哥哥同細佬都係讀同一間學校，嗰時師兄同師弟都會走過嚟識我。」
在訪問中，林莉又以Chok樣扮林志玲（Chiling），問到與Chiling是否相像？她說：「我覺得唔似，之前選港姐都冇人咁講，係突然間有人話似。Chiling畀我感覺係好女性化、性感同高貴。（你哋邊個靚啲？）Chiling已經唔係模特兒咁簡單，佢似名人同演員多啲，我自己就專注模特兒工作，唔想局限自己太女性化，可以試唔同型格。」林莉與Chiling曾同台出席活動，她大讚Chiling身材很好：「佢身材好好多，我就勝在均勻。」
澄清無富豪招手
另外，林莉於訪問中強調並沒有富豪向她招手，她說：「當然要有經濟基礎，中層或小康之家最舒服，捱麵包都唔得，但又唔需要去到好有錢囉，況且我依家經濟獨立，拍拖最緊要互相尊重，以及真心對我好。」
採訪：專案組