中巴當眾被抱起花容失色

模特兒鄺敏慧（中巴）、徐自賢昨日出席「apm復活節蛋起來」活動，即場挑戰立蛋。中巴更被世界紀錄立蛋高手Brian Spotts單手抱起，令她緊張得花容失色。她笑言：「真係好驚，落嚟嗰時又差啲差錯腳。」她表示以前在巴西會慶祝復活節，而且到處都有巨型朱古力蛋，很有氣氛。她笑言媽媽會送她復活蛋，自己亦會狂食朱古力。
鄺敏慧被Brian Spotts單手抱起，嚇得花容失色。
鄺敏慧被Brian Spotts單手抱起，嚇得花容失色。

無朱古力不歡

徐自賢則表示在美國時會準備朱古力蛋送給朋友，她笑言自己很喜歡吃朱古力：「以前有人喺復活節送過好巨型嘅朱古力畀我，有個頭咁大！（追求者送？）唔可以咁講，不過佢知我鍾意食朱古力，收到時真係好驚喜，我都唔捨得食住，結果放咗半年就溶咗。」

鄺敏慧（左）與徐自賢挑戰立蛋技巧。
  • 鄺敏慧（左）與徐自賢挑戰立蛋技巧。