陳鍵鋒轟無綫刻薄

陶大宇及陳鍵鋒(Sammul)先後與無綫結束賓主關係,Sammul直言終可呼吸自由空氣,他說遭無綫漠視多年努力,更大爆續約時僅數十元的薪酬加幅也要討價還價,令他萌去意。而大宇對無綫亦有不滿。

Sammul加入電視圈十一年,他有感自己相當努力,可惜當同期出道的林峯及黃宗澤個個受無綫力捧,他卻遭投閒置散,難怪他約滿後接受有線專訪,即滿腹怨言謂:「一個後生仔明明努力工作,亦得到觀眾認同,但就一直靠邊站,連(頒獎禮)提名都冇份﹗」

唔想拗數冇癮走

Sammul也曾考慮與無綫簽經理人約,相信重視程度會得以提升,但卻有人要他簽一紙十年長約,薪金卻保持不變!最終他與無綫的續約問題,也因數十元薪酬而爭持不下:「咁樣拗法好唔值得。其實最近咁多人唔續約,都唔係個別或者一秒內發生嘅事,做得唔開心自然會走。」今次他以廣東話亮相有線,亦不忘揶揄舊公司謂﹕「以前出席活動都要左閃右避怕入(有線)鏡,明明都係大台啦,有咩好驚呢?好奇怪囉。」

另外,「師奶殺手」陶大宇接受記者電話訪問時透露,曾跟無綫簽兩年合約,一年拍二十集電視劇,他說:「等咗年幾先拍《掌上明珠》,完約後仲有十集未完成,無綫叫我無條件將合約延期半年,當送畀無綫,我當時覺得唔合理,無理由無綫自己犯嘅錯要我承擔。」最後無綫賠償十集酬金了事。

拍劇先要他賠錢

相隔幾個月後,無綫有部劇想找大宇拍,他亦很有興趣,但他說:「到傾約時,佢哋列出要我賠番嗰十集糧先用我,我覺得有啲過分,唔能夠接受!」對於近日無綫花旦小生紛紛離巢,他表示此乃人之常情,藝人亦要養妻活兒。

此外,無綫非戲劇製作總監何麗全明天亦正式離職,無綫外事部副總監曾醒明昨表示,其職責將由總經理陳志雲兼任。

文:影視組