鍾舒漫唔介意愛窮郎
鍾舒漫（Sherman）昨日與周柏豪等出席校園活動。Sherman透露新碟因未揀定封面照需延期推出，提到其唱片公司高層霍汶希（Mani）結束假期返港，她說：「日前仲有同事揣測緊Mani會唔返。（約佢食飯？）等佢抖多陣先，唔想佢啱啱返嚟就同佢傾工作，淨係想知佢有冇肥到。」久未拍拖的Sherman，被問會否叫Mani介紹好男仔給她識？她稱：「會啩，磨咗咁耐都想拍拖。（要有錢？）最緊要開心，唔介意捱麵包。」
而柏豪再次被問有關何超雲及陳山聰的緋聞，他表示有留意報道：「唔係怕畀人鬧，係唔關我事，最近同超雲、超蓮都冇聯絡。」另外，柏豪與余文樂將於4月3日上陣籃球賽總決賽，雖然隊友受傷患困擾，但柏豪表示有信心連勝兩場奪金。