周慧敏撐老公正常社交
剛忙完演唱會的周慧敏（Vivian）昨晚出席活動，被問到老公在她演唱會綵排期間與年輕索女聚會，再展「花弗」本性。不過Vivian對丈夫再次投信任票，還為他澄清說：「娛樂雜誌有部分偏差，佢哋係三個人食飯，係正常社交，而且喺公眾地方，唔好小題大做。」至於老公有冇事前報定案，Vivian表示不需要，她說：「結婚後大家都有私人空間，但沒秘密，各自有乜活動，係瞭如指掌。」
Vivian透露一早知老公有此聚會，但不認識該索女，她說：「我唔識佢，我知佢係老公朋友嘅朋友。（你老公有前科，會否睇緊啲？）我同佢相處咁多年，我好相信佢，亦好清楚好信任佢。（叫佢小心啲？）都係正常社交，唔覺有乜問題。」