鄭嘉穎黃浩然自認拗唔攣
鄭嘉穎、黃浩然、胡定欣、唐詩詠、李詩韻和黃德斌昨日到將軍澳電視城為新劇《拳王》（暫名）試造型。飾演泰拳手的鄭嘉穎與黃浩然披着拳師袍亮相，當記者叫二人脫去拳袍拍照卻十分扭擰，兩男你推我讓互相剝衫，場面變質產生「斷背」味道。
嘉穎遮兩點
嘉穎露點影相時更一臉尷尬，不時遮遮掩掩。他說：「我點細係難搵啲！」場面搞笑。記者笑二人舉動似「斷背」，嘉穎即笑說：「大家都知唔會，我哋『變節』嘅機會好微。」
剛為人父的浩然提起愛兒難掩喜悅之色，他說：「第一次抱個仔感覺陌生，諗真係自己嘅﹖雖然開工忙，只係太太生BB先可以放到一日假，但係我都有幫手換片、掃風，沖涼就交畀太太，雖然有啲手忙腳亂，中途又要睇育嬰書，但係都應付到。」浩然可要為愛兒撲奶粉﹖他說：「唔使，依家餵人奶，奶粉都有贊助。」同場的胡定欣飾演聾啞拳手，她除了要練泰拳外，又要學手語，挑戰很大。
浩然想追女
另外，浩然接受電台訪問表示稍後會設百日宴，問到會否再追女兒？他說：「太太鍾意女，如果湊得掂都會再追。」
文：影視組