楊梓瑤15歲快餐店打工
前晚楊梓瑤（Carol）出席電影煞科宴，被問到與其他o靚模合作時可有八卦別人的緋聞？她說：「我都想問，不過返咗大陸拍戲資料唔充足，所以八唔到。我自己都係返到嚟香港先知自己做咗雜誌封面，行過見到本雜誌熟口熟面，望真啲先知係自己。」
對於有傳一位C字頭女子於多年前任職舞小姐，Carol也有計過條數：「我2000年讀中一，如果2004年做舞小姐嘅話咪得十五歲？嗰陣都有打工，不過係做快餐店囉，同舞小姐收入差好多倍，唔掂喎。」
通常多女性的地方就會多是非，Carol都表示自己有擔心，因自己比其他人遲兩日報到，但原來大家都好快投入。她又透露希望日後會有更多可發揮的角色，當被問到會否封胸時，她謂：「唔會，身材好係媽咪畀，所以順其自然啦。」