方力申激咀乳神當鄧麗欣冇到

方力申、江若琳、敖犬、楊梓瑤及張馨予等前晚在澳門出席電影《戀夏戀夏戀戀下》煞科宴，現場筵開十多席，監製黃柏高（Paco）、導演錢國偉與一眾台前幕後玩到癲，而酒席開始不久Paco即有醉意，不停重複幾句說話，場面搞笑。

方力申晒命指拍此戲有大批美女，目不暇給，並透露與張馨予有場激咀戲，對方還要身穿比堅尼，張馨予即表示是其銀幕初吻，小方風騷地說：「我都係第一次咀嘅女仔係咁性感，我唔知望邊，攬都唔敢攬！（流鼻血？）點只呀？噴出嚟添呀！」問到女友鄧麗欣有否監場？小方說：「真係冇，你哋應該問佢吖嘛！」

敖犬舉機與同片其他演員玩自拍。

張馨予當眾向方力申獻吻，小肥與敖犬也爭親香澤。

戲中美女成籮，問到覺得誰最索？小方即大讚混血兒馬瑙：「佢唔煙唔酒，有次仲陪我哋成班男仔跑步成個鐘，睇得出佢做開運動。」

導演錢國偉與松岡李那及一眾演員舉杯慶祝。

電影中出現眾多美女，難怪令方力申目不暇給。

敖犬純情怕醜仔

剛巧前晚是張馨予的24歲生日，問到願望，她說：「唔講得，講咗就唔靈！（點慶祝？）依家咪慶祝緊囉！」

片中飾演男人婆的江若琳穿上低胸裝示人，稍露事業線，她開心地說：「有人同我講原來我事業都唔係咁平坦，有啲沙石！哈哈！」她又指戲中情人敖犬是怕醜仔，面對眾多性感美女只呆若木雞，敖犬笑說：「心跳得好快，唔知望乜。（冇咀戲有冇可惜？）我哋係純純的愛，睇劇情需要啦！」