張敬軒昨日到電台宣傳新歌《壯舉》，歌曲講述「造人過程」意識大膽，軒仔承認是他入行以來最大膽：「歌曲用到『注射』嘅字眼，MV拍咗兩個版本，一個放上網要家長指引，另一個就畀傳媒播老少咸宜，MV喺我屋企拍，搵咗俄羅斯女model同韓國男model，有沖涼同親熱鏡頭。（唔親身上陣？）之前六舊腹肌縮咗水變咗三舊。」
軒仔又說其公司已洽談為甄妮、蔡琴、陳綺貞及草蜢等歌星舉行演唱會，4月初會是甄妮頭炮澳門演唱會。
