諸葛旺「夫」愛巢變金屋升2千萬
名模諸葛梓岐（Marie）與Neway太子爺薛嘉麟拍拖兩年，剛宣布婚訊，惟未正式過門已旺夫旺財！據知兩人去年底以三千萬元購入九肚山愛巢，現有人出價五千萬元洽購，愛巢不到半年升值二千萬元，令Marie心大心細有意賣出，但向來寵愛女友的薛嘉麟卻堅拒不賣！
早前宣布「嫁期」將於今年年底下嫁薛嘉麟成為Neway新抱的Marie，曾以誇張及恐怖來形容婚禮籌備過程，又說因工作太忙，分分鐘「嫁期」有變，不過，最近令Marie煩上加煩的是二千萬大元！
吼中風水屋
據知薛嘉麟於去年底以三千萬元買下位於九肚山獨立屋寶栢苑，屋苑連花園面積超過五千呎，作為兩人的婚後愛巢之用。但據地產界消息人士透露，指最近有人睇中該獨立屋，並出價五千萬元欲購入，而該心水屋現址背山面海，景觀絕佳，更有馬場全景，風水甚好。
與男友分歧
購入獨立屋不到半年，就有如此可觀的升值回報，Marie的確旺夫旺財，據知由去年底投資至今帳面即賺二千萬，的確令Marie心郁郁，有意賣出愛巢，不過，向來順從女友的薛嘉麟卻大唱反調，因該獨立屋跟父母的住所只是一街之隔，加上要忙於籌備婚事，恐無暇分身另覓愛巢，故據知兩人就是否賣屋意見上發生分歧。
記者致電Marie問及是否愛巢升值想賣屋一事？Marie即驚訝的說：「吓？點解你會知？（係咪同男友因賣樓而發生意見分歧？）唔好意思，我依家做緊嘢，之後再覆你。」惟至截稿前Marie仍未有再回應。
文：名人組