未婚夫送內衣 Amanda S.冧爆
名模Amanda S.與Lisa S.昨日齊齊為Private Shop S/S 2011 Lingerie Fashion Show擔任嘉賓。Amanda表示平日也會和未婚夫一起選購內衣，對方知道她喜歡買內衣，所以亦會送給她來逗她開心：「拍咗咁多年拖，已經送過好多畀我，有鑲咗小珍珠嘅，又有喱士款式。（佢想你着畀佢睇？）佢冇所謂，佢送畀我係想我開心，我着唔着都唔緊要。（佢最鍾意你着咩款式嘅內衣？）我唔覺得男士會關心呢樣嘢。佢媽咪都會送喱士睡衣畀我，好奇怪，不過又好Sweet。」
另外，提到好友中田英壽，Amanda透露對方早前來香港時兩人也有見面：「我好開心發生地震時佢唔喺嗰度，我啲日本朋友全部都安全，佢依家好努力咁諗緊辦法賑災，希望幫助災民。」
