Lynn自己買車唔使人送
前晚城嫂熊黛林（Lynn）與諸葛梓岐為寶馬汽車（香港）有限公司舉行的全新BMW 6系開篷車揭幕儀式及派對，主持新車揭幕禮。眾人皆知，郭富城（城城）是愛車一族，不過Lynn就謙稱自己對車不是太有研究，提起買車，Lynn稱要自食其力，不會要求城城送贈，並說：「使自己錢舒服啲！」問她會用甚麼車來比喻城城時，Lynn甜笑說：「似賽車，好有爆發力。（你有冇揸過佢嘅車？）佢啲車太大。（城城揸車技術點？）幾好，佢好安全。」當問到二人會在車上做甚麼時，Lynn即時傻笑不懂回答。
另外，賭王三房女兒何超雲的前男友王大業也是嘉賓之一，他表示仍未有拍拖對象，對於超雲與陳山聰的緋聞，他力撐對方：「佢（超雲）話冇（拍拖），我信佢。（超雲同山聰襯唔襯？）唔想講咁多，寫到咁亂，再講好似踩多兩腳咁。（覺得超雲係咪好易畀人利用？）唔覺，佢喺我心目中係聰明女，但佢仲細。」
