諸葛改婚期：以為一日搞掂！
【吳天慧澳門直擊】名模公主諸葛梓岐（Marie）早前才宣布和男友Neway太子爺薛嘉麟訂於十二月結婚，但昨日她竟自爆「嫁期」有變，直言想不到籌備婚禮需時，更以恐怖及誇張來形容，坦言不擔心男友以為她悔婚。
昨日Marie、Mandy Lieu及第四代Canon女Alice B.出席澳門活動，原定於十二月舉行婚禮的Marie，昨日自稱會延至明年才舉行，最有趣的，嫁期有變的箇中原因，是Marie不知道籌備婚禮需時。
冇期飛美國試婚紗
Marie說：「原來係好大個Party，我真係唔知咁多嘢搞！原來係要用六個月安排，我依家忙到冇期去美國試婚紗，因為一飛就飛幾日！依家忙到十二月！我仲以為抽一日就搞掂！」笑問到她是否以為結婚就如平日出席活動般容易？Marie說：「未試過真係唔知，我真係冇諗過咁大件事！真係好恐怖！唔係！係好誇張先係！（擔心男友以為你悔婚？）我諗佢唔會殺咗我！」
Mandy被撕走胸前貼
而活動舉行期間，品牌外籍高層突然出手撕走Mandy貼在胸前的貼紙，改貼在手臂上，令Mandy面露尷尬神色。對此，Mandy於事後表示：「唔會尷尬啦！佢覺得唔好睇咪搣咗佢！」她續說早前與女性朋友到澳門慶祝生日，更趁機屈了朋友請食飯。
