林峯拒回應二千萬贖床照
林峯於前晚的ifpi頒獎禮內，「冧莊」奪「全年最高銷量本地男歌手獎」，共奪四獎的他心不忘賣口乖多謝粉絲們的支持。對於記者再追問有關潘霜霜的問題，阿峯表示不欲再多作回應，只希望寄情工作，檔期已排到年底。至於早前有指他因情傷，拍攝《回到三國》期間「冧廠」，他則澄清謂：「我係甩咗一場外景啫，病到去咗醫生度打咗一針，瞓咗廿幾個鐘就冇事嘞。」
有指林峯與潘霜霜的床照，有人出價二千萬要求「贖回」，林峯表示不回應。無綫高層樂易玲對此則深表關注，但不相信傳聞。談到有指潘霜霜昨日會為北京時裝騷擔任嘉賓，最後忽然失蹤，她不禁謂﹕「係咪撲唔到飛入場呀？（佢冇同另一嘉賓陳嘉桓同場？）陳嘉桓係我揀畀林峯拍MV嘅，佢哋冇緋聞。（話林峯同潘霜霜去年七月去馬爾代夫度蜜月？）據我所知嗰段時間阿峯忙緊演唱會綵排，佢冇請過假。」即暗示與潘霜霜「蜜月之旅」的其實另有其人。