郭羨妮兔尾新娘盼好生養
【陳奕龍北京直擊】待嫁新娘郭羨妮昨日現身北京時裝活動，未婚夫朱少杰於台下全程瞄實，一臉幸福的郭羨妮於台上掃描愛人蹤影，事後更宣布婚禮將於年底舉行，婚後會即時努力造人，有意生一仔一女湊成個「好」字！
郭羨妮（Sonija）、陳嘉桓昨日齊以模特兒身份出席「Dorian Ho何國鉦2011秋冬系列高級時裝匯演」，正沐浴愛河的Sonija身穿婚紗上陣，未婚夫朱少杰現身捧場，雖然她表現有點緊張，但一臉幸福模樣已蓋過這少許瑕疵。
事後Sonija與何國鉦一同受訪，心情大靚的Sonija已急不及待稱未婚夫做老公：「喺台上面有望台下搵老公坐邊（緊張？）因為高踭鞋太高行時有啲搖搖吓，其實我都期望同老公行入教堂，不過未決定係幾時，本來想在日本行禮，但係地震，所以要再搵地方，唔諗住公布，費事畀人跟，日期應該會係年底。」
不考慮人工受孕
Sonija更否認4月完婚及有BB等傳聞，一臉甜絲絲的她對老公捧場亦甚為受落，問到二人有否商量何時生BB，她謂：「大家都想有，但係一定會結婚先，佢想要個仔先，再生個女，因為仔會保護個女，諗得好完美（會唔會考慮人工受孕？）唔會。」而與Sonija相識多年的何國鉦揚言屆時會贊助婚紗，對於有傳活動上會有林峯前女友潘霜霜出現，但最終卻不見蹤影，何國鉦對此謂：「都唔知點解咁講，行騷一定唔係，我都唔識佢，可能係贊助商請（覺唔覺個騷畀佢搶風頭？）都係控制唔到，最後佢冇出現成件事會好啲。」
據知霜霜乃其中一個贊助商邀請，但後來認為她形象差才決定打退堂鼓，另方面，已先後有兩輯林峯與潘霜霜的情慾照刊出，有傳稍後會陸續有來，有指有人以4萬元售給周刊，亦有傳有人以2000萬買斷該批照片，不過據知情人士表示絕對是天方夜譚。
潘霜霜在家養病
而被視為林峯與潘霜霜之間第三者的陳嘉桓，被問到知否該活動有「情敵」出現？嘉桓謂：「我唔知點解話我係第三者，拖都冇拍，何來第三者？（有冇聽過佢會來？）個個都好忙，冇聽到（林峯腸胃炎喎！）唔知呀！希望佢快點好番（有傳霜霜仲有批三級相，有人用二千萬買斷？）係咪真？（想睇？）怕睇完食唔到嘢，如果有人硬要畀我睇都避唔到，我都唔係局內人，冇乜感覺。」而連日來成為傳媒追訪對象的霜霜，昨日則有名自稱霜霜表妹的女子接聽，透露霜霜因身體不適，正於浙江老家休養，家人亦在陪伴，提起阿峯，該女子則反問：「你是說她男朋友嗎？我不知道（霜霜最近心情差？）不覺得，但是不想我們多問。」