Paul迷上泰拳打走頹氣

近年迷上打泰拳的黃貫中最近為一個拳賽擔任設計總監，他早前於拳館接受ontv《娛樂on Show》訪問，與主持人俞詠文暢談打拳趣事。阿Paul指為健康接觸泰拳，還自嘲玩音樂「頹」到爆，他說︰「其實我哋玩音樂好頹，留喺band房度窗都唔開多隻，簡直係多年地獄生涯，所以經朋友介紹下打泰拳。」結果阿Paul便打了五年泰拳，主持人問他泰拳是否有撩陰招？他即說︰「冇呀，你梗係睇得武俠小說多，冇啲咁嘅嘢。」

批圈中人打唔掂

阿Paul坦言玩泰拳只為健康着想，故不會參加比賽，他說︰「我都一把年紀啦，邊個同我打呀，成四十幾歲人，唔好恰啲老人家啦！」他又笑言今次擔任拳賽設計總監似打雜，更透露要拳手比賽在擂台上chok樣。問他圈中打泰拳藝人誰最打得及打拳姿勢最標準？他想了想說︰「全部都唔得！要打得標準好難，加上藝人又唔會專注打拳，所以冇一個打得靚，我自己學咗五年都唔標準啦。」想知「拳王阿Paul」打拳有幾勁？打拳時有乜趣事？阿Paul除愛上打拳還有甚麼新玩意？快啲click入ontv去片啦！

阿Paul在《娛樂on Show》中與主持人暢談打拳樂趣。

自嘲一把年紀的阿Paul，向Angela坦言打拳不會參賽，只為興趣和健康。

文、攝︰專案組