忘情咀 真冤氣 關伊彤揀定婚紗嫁小巴
02年港姐關伊彤自公布七月底結婚後，最近與準夫婿林紹奎（小巴）忙於籌備婚禮，一對新人早前就到婚紗店揀選婚紗。期間二人貪玩到多次咀嘴，姊妹Kawaii更笑言「冇眼睇。」
一對新人鐵定七月廿三日於黃埔海逸酒店筵開三十多席，宴請圈內、外親朋，而曾經演出不少台灣偶像劇如《愛情合約》、《我們結婚了》的林紹基（小巴），更已通知其好友、台星賀軍翔（小美）前來飲喜酒。伊彤透露，為了婚宴效果得體又不失禮，預計花上數十萬。幸好婚紗專輯有婚紗公司贊助，令二人慳回不少。
來自巴西的小巴身形健碩，愛瀟灑身形的他為了穿上型仔禮服而準備瘦身十五磅，迎娶港姐出身的靚靚老婆伊彤。日前伊彤到婚紗店揀選婚紗及晚裝，用作拍照之用。新人擺酒當日，伊彤將會再另選婚紗、裙褂和三套晚裝上陣。試婚紗當日，現場洋溢溫馨氣氛，她更與準夫婿如接吻魚般多次咀嘴。席上給老友提供婚紗意見兼充當婚禮姊妹的Kawaii亦笑說二人很煙韌：「我冇眼睇！」
減六公斤娶妻
伊彤則說：「我哋鍾意玩啫！我老公好貪靚，好快減肥成功，所以特別向巫啟賢攞咗份減肥餐單，只要每朝飲紅蘿蔔、西芹、蘋果混合嘅果汁，連渣食，每晚瞓前四小時唔食嘢，一個月就可以減到六公斤，希望有用啦！（你呢？）我唔使減，我一日食七餐，忍唔到口！」伊彤又透露，婚後將到老公家鄉巴西度蜜月，然後至少過一年的二人世界才考慮生BB。
文：影視組
攝：林楠
場地：Zara Bride