何倍倩自家品牌打入美國

名媛何倍倩(Anina)近年專心打理美容生意,希望擺脫「恒生新抱」的框框,建立事業女性的形象,問到老公何乃斌有否向她詐型?她甜蜜地說:「老公鍾意我呢個性格,由創立品牌到依家,就算去旅行,我都會係咁諗住Zensation,老公見到我咁有目標都開心。」

Anina把事業版圖拓展至美國,獲外國雜誌點名及名設計師Rachel Zoe青睞,讓她有無限的成功感:「依家主力幫護膚品牌喺美國搞旗艦店,喺奧斯卡幫女星安妮希芙威整造型嘅Rachel Zoe主動搵我話想試用,外國雜誌總編話介紹產品,令我好有滿足感。」