何基佑沖繩影婚照似跳Hip Hop

何基佑(Kay)與未婚妻早前到沖繩影婚紗照,所到之處均獲日本人熱情招呼,除了獲贈蛋糕外,又得全場食客拍手送祝福,並獲供靚車拍攝,令Kay十分難忘,笑言似拍緊Hip Hop MV!

藝人何基佑與未婚妻Charis(車仔)早前到日本沖繩拍攝婚紗相,他們大讚當地風景美麗,當地人友善,連空氣也有清甜的氣味,令兩人影得格外投入,情到濃時更咀嘴晒恩愛,他們亦對照片效果十分滿意!

日人有禮

提到最難忘的事,是他們在居酒屋內就餐時,在場的食客突然拍手:「原來係Wedding Planner同佢哋講我兩個會結婚,佢哋即刻送咗份豬紅炒豬肉畀我哋作為祝福,真係好親切!我哋完全唔識,但都為我哋結婚咁開心,我深深體會到日本人就係咁簡單、咁有禮!」

在教堂拍攝時,他們更獲負責人送贈蛋糕,令Kay非常驚喜:「佢哋仲借車畀我哋影相,氣氛熱鬧到好似拍緊Hip Hop MV咁!」

地震心痛

他們又到了歷史悠久的首里城公園,希望一睹王宮風采,他說:「好多當地人排隊等影相,佢哋冇唔耐煩,仲好有笑容,日本人真係有修養。」可惜他們離開後一星期,日本便發生地震,Kay大感心痛,並會送上祝福:「本來我哋想去東京玩,但依家會延遲計劃,希望災民早日重建家園。」

文:影視組