宗澤杏兒齊求饒
黃宗澤、胡杏兒昨日出席香港國際影視展活動，對於之前被指公開承認胡杏兒女友身份，黃宗澤笑言：「冇認過，畀人陰咗啫！（杏兒反應點？）冇反應呀！冇喎！真係老貓燒鬚！」期間他不斷標汗，更周圍搵人擋架。記者指樂易玲都鼓勵林峯拍拖，黃宗澤笑言:「問番樂小姐穩陣啲。」問他有否慰問林峯？他說：「其實心照啦，都有搭一搭膊頭問候，但男仔識女仔好正常啫！（咁你又唔認？）放過我啦！」
杏兒對於黃宗澤認定身份一事笑言：「女友啫！唔係我呀嘛！你要問番佢，（開心？）唔知發生乜嘢事！唔可以答假設性問題。」問杏兒會否提醒黃宗澤內地拍劇小心點？她笑謂：「唔關我事！」之後杏兒被記者追問黃宗澤標汗，即叫記者放過她，果然合拍。
