翻版李嘉欣 情困患抑鬱

有「翻版李嘉欣」之稱妄攝女Cat最近因男友不忠而患上抑鬱症,每日自閉拒進食,導致暴瘦十多磅兼縮胸,她更一度想跳樓尋死!

妄攝女陳雅絲(Cat)最近遇上感情騙子,因而患上抑鬱症,整整一個月自閉家中,只得19歲的她一度嚴重得想自殺:「冇晒人生目標,諗過喺14樓跳落街!」她表示去年中遇上比她大19年的中年男子,對方不斷出盡冧招力追她,其後正式拍拖,但Cat發現他原來另有女友!她說:「佢話會揀我,但之後又識另一個女仔,我接受唔到,於是提出分手!我同佢第二個女友傾過偈,先知呢個男人仲離過婚!」雖然揮慧劍斬情絲,但Cat仍難忘舊情:「未放得低,始終有好多回憶,拍拖時佢好細心,會幫我挑雞翼啲骨!最近佢求我復合,我即刻Cut佢線,佢每次打嚟都加重我唔開心,其實我本身都悲觀,媽咪都患過抑鬱症!」

暴瘦變火柴人

愁爆的Cat喊住度日,自閉在房內不願見人,一日一餐麵包令其體重急降十多磅至只有90磅,四肢變「火柴」,胸部也大縮水,她說:「每日都狂喊,眼腫面腫,更加唔想見人!」如此狀態令她暫時不能接Job,收入也大受影響,她無奈地說:「唔怕啦!都係食麵包啫!」日前Cat終的起心肝找精神科醫生就診,但不斷吃藥令她感覺迷糊:「食抗抑鬱藥令我唔想自殺,但感覺瘟瘟鈍鈍,冇晒精神。」

妄攝女陳雅絲Profile

姓名:陳雅絲(Cat) 綽號:翻版李嘉欣

年齡:19歲 身高:5呎7吋

三圍:33C、24、32

代表作:去年書展與另外四名o靚模包括「爆E超蓮」Iris及Debby等推出妄攝寫真《Inside》,掀起一時熱話,亦曾拍攝澳雪沐浴露廣告及李克勤MV《罪人》。

文:影視組