朱玲玲封口唔講章子怡

最近有傳章子怡與富商男友Vivi分手後，翻撻舊愛霍啟山，不過，昨日啟山母親朱玲玲就代子開腔否認二人復合。
朱玲玲親手植樹，為慈善盡一分力。
朱玲玲親手植樹，為慈善盡一分力。

昨日朱玲玲以慧妍雅集永遠名譽會長身份出席「慧妍×Canon繽FUN植樹慈善行」，同場還有應屆會長趙雅芝、鄭文雅、張嘉兒、梁小冰等，朱玲玲身體力行行山植樹，棄與眾人乘纜車上山。

趙雅芝自言畏高，搵老公黃錦燊（右）壯膽乘登山纜車。
  • 趙雅芝自言畏高，搵老公黃錦燊（右）壯膽乘登山纜車。

對於啟山與章子怡復合傳聞，朱玲玲聞言即說：「都唔係。（佢有冇拍拖？）佢好忙，做事業，佢自己決定。（佢有冇同你傾拍拖嘅嘢？）我唔知，我係最後一個知。（會唔會催佢快啲結婚？）唔使成日追住佢。（你想唔想佢哋復合？）唔係我揀，係緣分。」不過，當問到覺得章子怡為人如何時？原本企定定接受訪問的朱玲玲即時轉身走人兼封口：「唔講。（係咪好新抱？）我未試過新抱嘅味道。」說罷匆匆離開。