出寫真向Flash ON偷師 趙碩之漠視對手未驚過

由香港首創唯一免費Tabloid Size時尚周報《Flash ON weekly》舉辦的「FLASH Outline彩妝藝術互動展覽」昨日假銅鑼灣時代廣場圓滿結束，趙碩之與陳靜（DaDa）趕在最後一天捧場，為寫真集吸取靈感。

陳靜再捧場拍作品

趙碩之（Wylie）欣賞過所有作品後，大讚水準高：「每張相都有唔同元素，可以為寫真集作參考。」Wylie今年將再度推出寫真集，她保證會與前作有別：「唔會有之前嘅陽光與海灘，之前畀人感覺活潑啲，今次想有少少淑女味道。（怕唔怕今年競爭大？）完全唔驚，我冇諗過有咩人出寫真，各有各風格，唔理得咁多，大家個主題未必一樣。（冇競爭對手？）又唔可以咁講，出得寫真應該有番咁上下本錢，總之我做好自己。」

至於DaDa今次已經是第二度捧場，她解釋上次看完後很喜歡，今次專程拍下作品，留待寫真集參考之用。提到寫真，DaDa稱已定上海取景，會多花心思在妝容及造型上，形象會較為成熟，問到會否覺得今年寫真集的競爭大？她坦言：「都估到，但都係良性競爭，（黃榕話你上年本寫真冇特別，唔放你在眼內？）咁又真係冇特別，希望今年唔同啲。（終極性感？）唔會超過之前本月曆嘅尺度，會以造型吸引人。」

陳靜拍下作品，為自己的寫真偷師。

鄧穎芝（右）與王若琪均表示在化妝方面要下苦功。

鄧穎芝讚風格特別

另外，前晚歌手鄧穎芝與王若琪亦有到場，鄧穎芝盛讚作品風格特別，給了她不少靈感：「應該要學吓化妝，可以慳番請化妝師嘅錢，我平時喺屋企會試下化啲好誇張嘅妝。」而王若琪自問化妝技巧平平，認為作品的妝容可用於舞台以及唱片封套之用。

文：名人組