謝安琪生日善有善報
謝安琪（Kay）昨出席慈善活動，在工作中度過34歲生日，她笑指老公張繼聰「報復」未有送禮：「因為佢之前生日我淨係幫佢捐咗錢去環保團體，可能佢覺得係公平待遇。（想收咩禮物？）我冇咩購物欲，我上年都係叫啲歌迷捐錢去慈善機構，之後寄番張收據畀我！」Kay又稱會抽空與老公食飯慶祝。至於鄭伊健就「食屎論」指她要經歷更多，她表示正學習做好歌手、好媽媽及好太太。
張繼聰出席另一個慈善活動時，表示已送上公仔電話殼做禮物：「不過佢話唔算，咁我再諗吓啦！」他指囝囝前晚看他的音樂會後，竟問他為何不脫衣：「可能佢鍾意阿Rain，睇到佢成日除衫！」