陳山聰被傳獲「包養」形象插水，日前便被藝員部高層照肺。山聰坦言樂易玲（圖）是清楚事件來龍去脈：「樂小姐知道嘅，佢同我講，作為朋友（跟超雲）冇所謂，婚姻嘅嘢，我咁大個仔識得處理，我都好坦白同樂小姐講晒所有嘢，樂小姐自己都係結咗婚嘅人，好明白同清楚，所以叫我從頭嚟過，希望我可以收拾心情，專注番工作，至於負面影響，惟有自己處理好啲，將來做番好啲！」
山聰今次在劇集《我的如意狼君》中的角色，與他近日的新聞有點不謀而合。山聰演二世祖，跟妻子結婚後，在外與其他女子有感情瓜葛，最後與妻子有否離婚？則尚未拍攝。
