阿嬌冇諗過嫁入豪門
鍾欣桐（阿嬌）昨日穿上Horace外套及Toga露臍裝出席「FLASH Outline彩妝藝術互動展覽」，容光煥發的她曾為《Flash ON weekly》拍攝封面，對於獲創作總監Sunny Lau大讚擁有黃金比例臉蛋，她說：「太誇張，我心目中嘅黃金比例係李嘉欣，自己最滿意係眼眉同眼睫毛長，感謝上天畀呢副眼耳口鼻我。」忙於籌備國語碟的她透露將作歌予台灣歌手張韶涵：「我哋性格好似，係好朋友，之前佢因為家人糾紛被誤會都有打畀佢，大家都經歷過低潮，依家明眼人都會知道，首歌送畀佢同佢細佬、妹。」
冷對Juno甩拖
此外，阿嬌出席另一活動，被問到有關前緋聞男友麥浚龍（Juno）與女友分手消息，阿嬌冷淡的說：「冇睇喎，有朋友講過，咁搞笑，（安慰佢？）點解要安慰呀？公開得就負得起呢個責任。」對於Juno回復單身，阿嬌說：「我都單身呀，好多人都單身，（有機會？）呢啲緣分嚟嘅，人哋啱啱分手唔通問人得唔得閒呀？」至於阿嬌的擇偶條件是否又靚仔又有錢？她說：「唔係吼住人哋份身家嘅，（唔想嫁入豪門？）冇諗過，隨緣啦，人哋天生有錢冇辦法要人窮o架，（你試過唔好？）冇試過！」