啤梨轉(界)趙彤療情傷
DJ葉文輝（啤梨）早前與日模松岡李那傳緋聞，但極速被人撬牆腳，受盡情傷的啤梨惟有轉軚冧霍啟剛前緋聞女友趙彤，更陪女方睇車行街療情傷！
三十六歲的啤梨去年被影到與日模松岡李那（Linah）當街拖手攬腰，戀情曝光後，女方即劃清界線，自爆與潮牌老闆Philip Chu相戀，並聲稱只當啤梨是重要朋友。極之冇癮的啤梨為彌補感情創傷，極速轉移溝女目標。日前發現他相約曾與霍啟剛和「萬寧哥哥」沈志明傳緋聞的台灣女主播趙彤睇車行街散心，擺明向Linah示威。
不斷施冧招
當日啤梨與趙彤到銅鑼灣Benz車行睇車，期間男方不斷施冧招，氹得趙彤笑逐顏開。趙彤對紅色車情有獨鍾，分別睇中一架紅色Smart「車仔」和價值七十萬的紅色新款跑車，當她興奮上車試坐，啤梨即挨近車窗，充當顧問，又不時替女方開車門，甚有風度。當二人離開，趙彤一臉不捨細看Smart「車仔」，要啤梨三催四請才離開。
趙彤讚好人
之後二人步出車行，記者即上前問啤梨是否追求趙彤，他說：「我依家冇拍拖。（係咪畀松岡李那傷害咗，唔敢拍拖？）唔識點答，佢都答咗啦！我唔想回應。（好傷心？）你放過我啦！真係唔想講。」趙彤則透露與啤梨是電台的拍檔，更大讚對方好人：「我哋係好朋友，佢知我想買車，所以陪我。」
文：專案組