Mandy Lieu谷溝誘人愛

昨日是「三八婦女節」，名模Mandy Lieu獲apm邀請出席「apm企業女性形象指導團」活動，並擔任形象指導。Mandy出動私伙黑色西裝配以低胸裙出場，罕有地大晒三吋事業線，吸引不少龍友在場內「高抄」狂影。現場出席嘉賓包括新鴻基地產代理有限公司租務總經理馮秀炎，以及大會邀請的半百名內地企業女性，場面熱鬧。

未受緋聞帶挈工作

本報曾拍得Mandy與外籍男伴逛超市，原來他是G.E.M.的外籍唱片監製Lupo Groinig，當時她只說二人是普通朋友，如今二人緋聞再被重提，令她成為「緋聞女王」。不過她在活動上心情未受影響，還風騷教授姊妹們的儀態和餐桌禮儀心得，事後她解釋因三八婦女節才打扮如此隆重，又提醒男士們要應節，應該珍惜、尊重和愛護女性。強調仍是單身的Mandy，被問將來揀男友是否要符合以上條件，她說：「係呀，（會否打扮性感去吸引異性？）冇咁諗，我覺得溝通好重要。（你嘅緋聞有冇畀公司問話？）公司不嬲都唔干涉我私人生活。」她又表示未有因緋聞令工作量增多。

Mandy的性感打扮吸引不少龍友在場內狂影，甚至「高抄」拍不停。

Mandy與陳柏霖的一段情去年宣告玩完。 （資料圖片）

G.E.M.不敢過問

談到Mandy這身打扮比以往性感，她否認打算行性感路線：「都係做番一路以嚟嘅我，（會唔會着得再性感啲？）我會做自己鍾意做嘅嘢。（事業線有冇加工？）加工應該再勁啲！我不嬲都鍾意天然，係件衫個cutting做得好好，包到Body好靚。」

Mandy與馮秀炎（中)齊出席活動。	Mandy曾被拍得與G.E.M.的外籍監製Lupo遊街，但G.E.M.卻稱未敢過問。 （資料圖片）	放大圖片

G.E.M.對於外籍唱片監製Lupo與Mandy傳緋聞坦言不敢過問：「我唔知呀！冇見過佢哋一齊。（錄音時搵佢八卦下？）我唔敢呀！我好驚佢！平時見到都係傾工作咋。」此外，G.E.M.昨晚約9時在微博透露患癌的外婆離世，心情低落的她希望對方安息，G.E.M.透過公司表示家人早有心理準備，外婆過身時G.E.M.母親陪伴在側。

文：專案組　攝：鄭家俊