Carol線露繁忙周秀娜輸凸
兩大性感女神周秀娜和楊梓瑤首映較勁，楊梓瑤低胸騷五吋事業線成全場焦點，謀殺記者不少菲林之餘，就連杜汶澤亦找她影相，認真忙碌。反觀密實打扮的周秀娜輸到話題也頓失，改撐師妹江怡青春無敵。
集一眾性感o靚模主演的電影《猛男滾死隊》前晚舉行首映，周秀娜、楊梓瑤（Carol）、朱裕琳、江怡、陳法蓉、張可頤、王晶、杜汶澤等出席。兩大性感女神周秀娜和楊梓瑤碰頭自然成為焦點，結果性感打扮的楊梓瑤大晒五吋事業線風騷滿場飛，除了輕易謀殺全場菲林，就連杜汶澤亦被吸引喪影，非常忙碌，輕易擊敗密實打扮的周秀娜。
撐江怡青春無敵
敗於Carol手下，周秀娜改撐同門師妹江怡：「我覺得今日江怡好勁，真係青春無敵，佢贏晒，佢喺戲入面追求破處嘅精神我都認輸。」提到Carol性感登場，周秀娜說：「我冇睇呀！」隨即大講劇情，令全場頓時死寂。記者笑說：「你輸到連話題都冇？」周秀娜惟有哈哈乾笑數聲，然後說：「有辦法！今朝先喺東京返嚟。（你去日本性感示人，係咪偏心？）唔關事，香港有人搵拍內衣廣告都可以商量，最緊要靚。」
莊思敏剪偷食男
至於贏盡全場焦點的Carol透露早前消瘦不少，全靠媽媽秘方食魚增肥三數磅，故趁首映以最佳狀態示人。她又揚言不怕和周秀娜有所比較，她說：「大家嘅首映，各自出盡法寶，希望佢都好靚。」另外，同場的莊思敏作狀為戲中偷食老狄易達「去勢」。問到現實生活中若伴侶偷食「剪唔剪？」她毫不猶豫大嗌「實剪！」。
文：影視組